مشاهدات
ئەمڕۆ یەكشەممە 14ـی شوباتی 2021 لە سەلاحەددین سەرۆك مەسعود بارزانی پێشوازیی لە خاتوو جێنین پلاسخارت نێردەی تایبەتی سكرتێری گشتیی رێكخراوی نەتەوە یەكگرتووەكان لە عێراق كرد . لە دیدارەكەدا بیروڕا لەبارەی بارودۆخی سیاسی ودواپێشهاتەكانی عێراق ودانوستاندنەكانی نێوان هەرێم وحكوومەتی فیدڕاڵی هەروەها ئاستەنگەكانی بەردەم جێبەجێكردنی رێككەوتنی ئاساییكردنەوەی بارودۆخی شنگال ئاڵوگۆڕ كرا . لەو دانیشتنەدا نێردەی تایبەتی سكرتێری گشتیی رێكخراوی نەتەوە یەكگرتووەكان لە عێراق جەختی لەوە كردەوە كە نەتەوە یەكگرتووەكان هانی حكوومەتی هەرێمی كوردستان وحكوومەتی فیدڕاڵی عێراق دەدات كە بەردەوام بن لە دیالۆگ ورەخساندنی كەشی ئیجابی بۆسەرخستنی دانوستاندنەكان وبەدەستهاتنی چارەسەری گونجاو بۆ كێشەكانی نێوانیان . هەر لەو كۆبوونەوەیەدا سەرۆك بارزانی پشتگیریی خۆی بۆ دیالۆگی بەردەوامی نێوان حكوومەتی هەرێم وحكوومەتی فیدڕاڵی عێراق لە چوارچێوەی دەستوور راگەیاند وئەوەشی دووپات كردەوە كە ئەگەر لە ساڵانی رابردوودا دەستوور وەك خۆی جێبەجێ كرابا زۆر لەو كێشە وگرفتەكانە نەدەبوون كە ئێستا لە نێوان هەردوولا هەن .
إرسال تعليق